2009 წლის 28 მაისს, საზოგადოებრივი კავშირების პროგრამის თანამშრომლებმა ჩაატარეს პირველი საორიენტაციო შეხვედრა მედია ადვოკატირების ჯგუფის წევრებთან, რომელსაც მასპინძლობა სასტუმრო ვერა პალასმა გაუწია თბილისში. ორიენტაცია, ეს არის პროგრამის შემადგენელი ნაწილი, რომლის მიზანია მონაწილეებს გააცნოს პროგრამის მიზნები, ამოცანები და დაეხმაროს მათ მოლოდინების ჩამოყალიბებაში.

ორიენტაციის მსვლელობისას პროგრამის თანამშრომლებმა ჩაატარეს რამოდენიმე პრაქტიკული სავარჯიშო, რომლის მიზნებიც იყო ჯგუფში მუშაობის მნიშვნელობის გააზრება. შეხვედრაზე, პროგრამის მონაწილეებს ასევე შესაძლებლობა მიეცათ ჩამოეყალიბებინათ მათი პროფესიული თემის ძლიერი და სუსტი მხარეები და დაესახათ პირადი მიზნები აშშ-ში ყოფნის დროს.

პროგრამის ერთ-ერთი მნიშვნელოვანი ასპექტია პორგრამის მონაწილეების ცხოვრება ამერიკელ მასპინძელ ოჯახებში. იმისთვის, რომ პროგრამის მონაწილეები იყვნენ მომზადებულები სხვა კულტურულ გარემოში საცხოვრებლად, ორიენტაციაზე პროგრამის თანამშრომლებმა ისაუბრეს კულტურულ თავისებურებებზე, კულტურულ შოკზე და მის დაძლევაზე, ასევე პროგრამის მონაწილეებს საშუალება ჰქონდათ გაცნობოდნენ პროგრამის კურსდამთავრებულების რჩევებსა და რეკომენდაციებს.

მედია ადვოკატირების ჯგუფის გამგზავრება საქართველოდან დაგეგმილია აშშ-ში 2009 წლის 24 ივნისიდან 15 ივლისის ჩათვლით, რომელსაც უმასინძლებს ამერიკული ორგანიზაცია ” World Affairs Council of Kentucky and Southern Indiana ”. დელეგაციის წევრებს შესაძლებლობა ექნებათ გაენონ ისეთ საკითხებს, როგორიცაა სიტყვის თავისუფლების დაცვა, მედია თავისუფლება, პროფესიული ეთიკა, ობიექტური გაშუქება, ცენზურის საკითხები და ურთიერთიობა მედია საშუალების მფლობელსა და ჟურნალისტებს შორის.

რიგით მეორე ორიენტაცია მედია ადვოკატირების პროგრამის მონაწილეებისათვის გაიმართება 2009 წლის 23 ივნისს, PH International - ის ოფისში.