|
|
 |
|
|
|
Սեպտեմբերի 24-ին, Հայաստանում ԱՄՆ-ի դեսպան Մարի Յովանովիչի նախաձեռնությամբ, Համայնքային կապեր ծրագրի աշխատակազմն ու "Սոցիալական աշխատանք" թեմայով Միացյալ Նահանգներ մեկնած Համայնքային կապեր ծրագրի շրջանավարտները հանդիպեցին ԱՄՆ դեսպանատանը` քննարկելու ծրագրի հաջողությունները, շրջանավարտների հետագա պլաններն ու համագործակցության հնարավորությունները: "Քեմբրիջ-Երևան քույր քաղաքներ ասոցիացիայի" փոխնախագահ և "Սոցիալական աշխատանք" թեմայի շրջանակներում ծրագրի տնօրեն Ջեք Մեձորյանը նույնպես ներկա էր հանդիպմանը: Շրջանավարտները կիսվեցին ԱՄՆ այցելությունից իրենց ստացած տպավորություններով, համեմատելով Միացյալ Նահանգների և Հայաստանի սոցիալական աշխատանքի համակարգերը: Դեսպանը հատուկ հետաքրքրություն ցուցաբերեց խմբի կողմից նախաձեռնված "Հայաստանի սոցիալական աշխատողների ասոցիացիա" ստեղծելու գաղափարի հանդեպ: Հանդիպումն անցավ ջերմ մթնոլորտում: Բոլոր մասնակիցներին արտահայտվելու հնարավորություն ընձեռվեց, որի ժամանակ նրանք խոսեցին ծրագրի ունեցած առավելությունների մասին: 
Կայքը պատրաստվել է Փրոջեքթ Հարմոնի կազմակերպության կողմից
Սույն կայքը պատրաստվել է Ամերիկյան ժողովրդի կողմից ԱՄՆ-ի Միջազգային զարգացման գործակալության (ԱՄՆ ՄԶԳ) աջակցությամբ:
Փրոջեքթ Հարմոնին պատասխանատու է կայքի բովանդակության համար, սակայն այն անվերապահորեն չի արտահայտում ԱՄՆ ՄԶԳ-ի կամ Միացյալ Նահանգների կառավարության տեսակետները